ABŞ prezidenti Co Bayden cümə axşamı Ağ Evdə keçirdiyi mətbuat konfransında deyib ki, Ukraynaya müdaxilə Rusiya üçün fəlakət olacaq.
Marja xəbər verir ki, onun sözlərinə görə, o, Rusiya prezidenti Vladimir Putinə söz verib ki, müharibə onun “əvvəllər heç vaxt görmədiyi” sanksiyalarla nəticələnəcək.

“Rusiyanın Ukrayna üzərində hərbi baxımdan “həddindən artıq üstünlüyə” malik olduğunu deyən Bayden, müharibənin baş verəcəyi təqdirdə, güzəşt olmayacağını söyləyib. ABŞ Kiyevə 600 milyon dollar dəyərində qabaqcıl silahlar göndərib. .
Onun sözlərinə görə, ABŞ və müttəfiqləri Rusiyaya qarşı Rusiya iqtisadiyyatına “zərər verəcək” ciddi sanksiyalar tətbiq etməyə hazırdırlar.
“Rusiya bankları dollarla əməliyyatlar apara bilməyəcək”, - Bayden bildirib. Bundan əlavə, ABŞ şərq cinahda hərbi mövcudluğunu artıracaq.
Avropalıların Rusiyadan neft və qaz tədarükü ilə bağlı narahatlığına gəlincə, Rusiya da bu satışlardan heç də az asılı deyil. "Onların bundan qazandıqları pul iqtisadiyyatlarının 45%-ni təmin edir",- Bayden deyib.
ABŞ prezidentinin sözlərinə görə, Rusiya ilə təhlükəsizlik məsələlərinə dair üç görüş heç bir nəticə verməyib. “Putinin seçimi var – diplomatiya və deeskalasiya, ya da müharibə və nəticələr”, - o əlavə edib.
Rusiya Federasiyası Mərkəzi Bankının məlumatına görə, ötən il Rusiya neft, qaz və neft məhsullarının ixracından 240 milyard dollar əldə edib. Bu, ölkənin bütün xarici valyuta gəlirlərinin 49%-inə bərabərdir.
ABŞ Energetika Nazirliyinin məlumatına görə, Rusiya neft ixracının 48%-ni, qaz ixracının 72%-ni Avropaya gedir.