Çinin ilk kosmos stansiyası üçün kosmosa göndərdiyi ilk modulu daşıyan raketin gövdəsi nəzarətdən çıxıb. Saatda 27 min 600 kilometr sürətlə Dünyanın ətrafından dönən gövdənin atmosferdən keçməyi bacaran parçalarının hara düşəcəyinin bilinməməsi narahatlıq yaradıb.
Raket, 29 Apreldə, gələcəkdəki Çin Kosmos Stansiyasının (CSS) yaşayış sahələri olacaq Tianhe modulunu müvəffəqiyyətlə buraxıb. Ancaq raket nəzarətdən çıxıb və planlaşdırılan etibarlı sahənin xaricinə düşəcəyi ehtimalı var.
Long March 5b-nin okeanda əvvəldən təyin olunmuş bir nöqtəyə enməsi planlaşdırılırdı Ancaq mütəxəssislər, raket nəzarətdən çıxdığından böyük parçaların məskunlaşma sahələrinə düşə biləcəyi barədə xəbərdarlıq edirlər.
Harvard Universitetində araşdırma aparan kosmos alim Jonathan McDowell, raket parçalarının şimal və cənub yarımkürədə 41-ci paralellər arasına düşə biləcəyini söyləyib. O, ABŞ-ın Nyu York şəhəri ilə İspaniyanın paytaxtı Madrid, cənubda da Çilinin cənubu və Yeni Zelandiyanın Vellinqton şəhəri arasında bir sahəyə düşə biləcəyini qeyd edib.
Alimlər hissələrin məskunlaşma sahələrinə düşməsi vəziyyətində bir çox insanın ölə biləcəyi xəbərdarlığını edir. Ən pis ssenarinin reallaşması vəziyyətində daha çox sayda ölüm baş verə bilər.