Rusiya Qara dənizdə atəşkəsə razılaşmağa hazırdır, lakin sanksiyaların ləğvi müqabilində bunu edəcək. 
Bunu ABŞ dövlət katibi Marko Rubio deyib.
Rubio bildirib ki, bəzi şərtlər arasında ABŞ-nin tətbiq etmədiyi sanksiyalar da var.
"Bu şərtlərdən bəzilərinə bizim olmayan sanksiyalar daxildir. Bunlar Avropa İttifaqı tərəfindən tətbiq edilib. Ona görə də  nümayəndələrimiz geri qayıdanda biz masa arxasına əyləşəcəyik. Moskvanın təkliflərini müzakirə edəcəyik, Rusiyanın mövqeyinin nə olduğunu və bunun müqabilində nə istədiklərini daha yaxşı başa düşəcəyik", - o deyib.
Rubio əlavə edib ki, Rusiyanın mövqeyini müəyyən etdikdən sonra məsələ prezident Donald Trampa təqdim ediləcək  və o, ABŞ-nin bundan sonra hansı addımı atacağı bərədə qərar verəcək.
O eyni zamanda atəşkəsin müzakirəsi faktının özünü müsbət hal kimi dəyərləndirib.