Gələn il Azərbaycanın dövlət büdcəsindən məcburi köçkünlərin sosial müdafiəsinin təmin edilməsi məqsədi ilə 367,4 milyon manat vəsait ayrılacaq.
Bu məsələ "2022-ci il dövlət büdcəsi zərfi haqqında” qanun layihəsində əksini tapıb.
Sənədə əsasən, bu, 2021-ci ilin təsdiq olunmuş proqnozu ilə müqayisədə 0,8% çoxdur.
O cümlədən, məcburi köçkün statusu olan və ona bərabər tutulan şəxslərə (500 min nəfərə yaxın) 60 manat olmaqla vahid aylıq müavinətin verilməsi 340 milyon manat, onların istehlak etdiyi kommunal xidmətlərinin haqqının qarşılanması üçün 19,6 milyon manat, digər tədbirlər üçün isə 4,8 milyon manat vəsait nəzərdə tutulub.