ABŞ Preidenti Co Bayden (Joe Biden), 20 Yanvar 2021-ci ildən bu yana ilk dəfə Konqresin iclasında Senat və Nümayəndələr Məclisi üzvlərinə xitab edib.
Bayden Amerikan Ailələri Planını açıqlayıb.
Bayden, gələcək üçün ailələr və uşaqlara da sərmayə qoyulması lazım olduğunu vurğulayaraq, "Bu səbəblə, bu gün Amerikan ailələrinin qarşı-qarşıya olduğu ən böyük 4 problemi həll etməyi hədəfləyən Amerikan Ailələri Planını təqdim edirəm",- deyib.
1,8 trilyon dollarlıq Amerikan Ailələr Planının yaxşı təhsilə çıxışı mümkün edəcəyini qeyd edən Bayden, planın keyfiyyətli və münasib qiymətli uşaq baxımı imkanı da təmin edəcəyini dilə gətirib.
Bayden, plan ilə 12 həftəyə qədər ödənişli ailə və tibbi icazənin də təmin ediləcəyini, milyonlarla ailəyə birbaşa nağd pul yardımı ediləcəyini bildirib.
Söz mövzusu planların necə maliyyələşdiriləcəyinə də toxunan Bayden, büdcə kəsiri artırılmadan bunun edilə biləcəyini qeyd edib.
"İşi mükafatlandıracağıq, sərvəti deyil"
Bayden, ildə 400 min dollardan az qazanan insanlara hər hansı bir vergi artımının tətbiq olunmayacağının vurğulayaraq, şirkətlərin və Amerikanın ən varlı 1%-inin ədalətli paylarını ödəmələrinin zamanının gəldiyini qeyd edib.
Yaxın zamanda aparılmış bir araşdırmanın, ölkənin ən böyük 55 şirkətinin keçən il federal gəlir vergisi ödəmədiyini göstərdiyinə işarə edən Bayden, "Ədalətli paylarını ödəmələri üçün mənfəət vergilərini yenidən müəyyənləşdirəcəyik. İşi mükafatlandıracağıq, sərvəti deyil", - deyib.
Bayden, "Amerikalıların ən zəngin 1%-i, 400 min dollar və ya çox qazananlar üçün ən yüksək vergini 39,6%-ə qaldırırıq", - deyib.
Bayden, orta sinifin vergi yükünü artırmayacaqlarını qeyd edib.