Azərbaycanın xarici işlər naziri Ceyhun Bayramov ölkəmizlə Bolqarıstan arasında münasibətlərin daha da inkişaf etdirilməsi üçün potensialın olduğunu bildirib.
“Sahibkartv.az” xəbər verir ki, Ceyhun Bayramov bu barədə Bolqarıstan Respublikasının ölkəmizə yeni təyin olunmuş səfiri Ruslan Stoyanovu qəbul edərkən deyib.
C.Bayramov Ruslan Stoyanovu təyinatı münasibətilə təbrik edib, ona fəaliyyətində uğurlar arzulayıb. İki ölkə arasında müxtəlif, o cümlədən siyasi, iqtisadi, energetika sahələrində ikitərəfli münasibətlərin mövcudluğuna məmnunluqla istinad edib.
Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.