Erməni hərbi  birləşmələrinin Vətənimizə  qarşı, 27 sentyabr 2020-ci il tarixdən başlayan növbəti hərbitəcavüzünə cavab olaraq, Azərbaycan RespublikasıSilahlı Qüvvələrinin Ali Baş Komandanı cənab İlhamƏliyevin əmri və rəhbərliyi altında işğal altındakıtorpaqlarımızın azad edilməsi və ərazi bütövlüyümüzün təmin edilməsi uğrunda Şanlı Vətən müharibəsinəbaşlanmasından 2 il ötür. Artıq  ikinci ildir ki,  27 sentyabr - Vətən Müharibəsi Şəhidlərimizin Anım Günü kimi qeyd edilir. 
Bu gün  Goranboy rayonunda da   Anım günü ilə bağlı  ümumrayon tədbiri keçirildi. Goranboy şəhəri Şəhidlər Xatirə-Abidə  Kompleksində keçirilən tədbirdə rayon İcra Hakimiyyətinin  başçısı Məhərrəm Quliyev, rayonun digər rəhbər şəxsləri, Şəhid ailələri, Qazilər və rayon ictimaiyyətinin nümayəndələri iştirak etdilər. Tədbir iştirakçıları öncə, torpaqlarımızın azadlığı uğrunda canından keçən Şəhidlərimizin xatirəsinə inşa edilmiş Xatirə-Abidə  Kompleksini ziyarət edərək Şəhidlərimizin ruhlarına dualar etdilər və Şəhidlərimizin əziz xatirəsi 1 dəqiqəlik sükutla yad edildi.
Möhtərəm Prezidentimiz, Müzəffər Ali Baş Komandan cənab İlham Əliyevin rəhbərliyi altında, Qarabağın azadlığı və ərazi bütövlüyümüzün təmin olunması uğrunda Rəşadətli  Azərbaycan Ordusunun həyata keçirdiyi və dünya hərb tarixinə qızıl hərflərlə yazılmış 44 günlük Şanlı Vətən Müharibəsi nəticəsində torpaqlarımızın azad olunduğunu   və bu gün azad edilmiş torpaqlarımızda əsaslı yenidənqurma işlərinin aparıldığını qeyd edən İcra Başçısı və digər natiqlər çıxışlarında, Vətən, Dövlət, Bayraq naminə canlarını qurban vermiş Şəhidlərimizin əziz xatirəsinin daim ehtiram və sevgi ilə anılacağını bildirdilər. 
Anım Günü ilə bağlı, Goranboy şəhəri Heydər Əliyev Parkında və Şəhidlər Xatirə Kompleksi ərazisində 100-dən çox Eldar şamı və Sərv ağacları əkildi.