Bu ilin yanvar-mart aylarında Türkiyə Azərbaycana 488 milyon ABŞ dolları dəyərində məhsul ixrac edib.
“Sahibkartv.az” Türkiyə İxracatçılar Məclisinə (TİM) istinadən xəbər verir ki, bu, ötən ilin eyni dövrü ilə müqayisədə 4 % çoxdur.
Təkcə mart ayında isə Azərbaycan Türkiyədən 179,6 milyon dollarlıq məhsul idxal edib ki, bu da 1 il əvvələ nisbətən 0,9% azdır.
I rübdə Türkiyənin ümumi ixracının dəyəri isə illik müqayisədə 22,6% artaraq 55 149 milyon dollara çatıb.