Ukrayna - Rusiya müharibəsi fonunda güvənli liman maliyyə aləti kimi dollara tələb çərşənbə axşamı azalıb. Buna səbəb sözügedən iki ölkə arasında İstanbul görüşünün müsbət keçməsi olub. Amerikada hökümətin sosial layihələrin genişləndirilməsi və təhlükəsizlik xərclərinin artırılması üçün nəzərdə tutulan büdcə qanunun Konqressdə müqavimətlə rastlaşacağı ehtimalları da riskləri artırır. 
Bununla yanaşı, investorlar cümə günü dərc ediləcək "NFP" göstəricisini də böyük maraqla gözləyirlər. Bu gün Bakı vaxtı ilə saat 16:15-də və 16:30-da yenə Amerikadan açıqlanacaq "ADP" və ÜDM-yə dair önəmli statistika məlumatlar da diqqət mərkəzindədir. Bütün sadalanan göstəricilər müsbət yayımlanacağı, yəni Amerika iqtisadiyyatına dair gözləntilər yüksələcəyi təqdirdə, dollar indeksi yenidən dəstək görə bilər. 

Qeyd etmək lazımdır ki, dollardan asılı qızıl və neft qiymətlərində də bahalaşma müşahidə edilir. 
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.