29 Mart 2022-ci il tarixində Mərkəzi Bankda Dövlət Neft Fondunun iştirakı ilə növbəti valyuta hərracı keçirilib.
Sahibkartv.az xəbər verir ki, hərracda tələb 105 milyon ABŞ dolları təşkil etmiş və tam təmin edilib.
Hərracda manatın ortaçəkili məzənnəsi 1,7000 səviyyəsində formalaşıb.
Mərkəzi Bank qeyd edib ki, hərracda tələbin nisbətən yüksək olması bayram günləri ilə əlaqədar qrafik üzrə 2 hərracın keçirilməməsi səbəbindən yığılmış tələblə əlaqədardır.
Xatırladaq ki, 17 Mart 2022-ci il tarixində keçirilmiş valyuta hərracında tələb 77,8  milyon ABŞ dolları təşkil etmiş və tam təmin edilmişdi. 
11 mart 2022-ci il tarixində valyuta hərracında tələb 54,6 milyon ABŞ dolları, 15 Mart 2022-ci il tarixində keçirilmiş valyuta hərracında isə tələb 74,3 milyon ABŞ dolları, təşkil etmişdi.
2022-ci ilin əvvəlindən bu yana keçirilmiş 22 valyuta hərracında banklara 1 milyard 552,2 milyon dollar satılıb.