"Avropa Rusiya xammalından imtina edərsə, neftin qiyməti bir barel üçün 300-500 dollara qalxa bilər"
Rusiya neftçiləri neft axınını Qərbdən Şərqə yönləndirməyə başlayıblar. Rusiya Qazaxıstanla Çinə neft tranzitini artırmaq üçün işçi qrupunun yaradılması ilə bağlı razılığa gəlib.
Sahibkartv.az xəbər verir ki, bunu Rusiya Baş nazirinin müavini Aleksandr Novak bildirib.
Onun sözlərinə görə, sanksiyaların təzyiqinə baxmayaraq Rusiyada qaz və neft hasilatı tam həcmdə həyata keçirilir.
"Avropa Rusiya xammalından imtina edərsə, neftin qiyməti bir barel üçün 300-500 dollara qalxa bilər. ABŞ və İngiltərənin Rusiya neftinin və neft məhsullarının idxalını dayandırmaq qərarının təsiri əhəmiyyətsizdir, çünki bu ölkələrə tədarüklər azdır", - Novak bildirib.