Novruz Bayramı münasibətilə "NEQSOL Holding" beynəlxalq şirkətlər qrupunun səhmdarının qərarı ilə “YAŞAT” Fonduna 500 000 manat məbləğində vəsait köçürülüb. Ödəniş holdinqin tərkibində olan Bakcell və Norm şirkətləri tərəfindən həyata keçirilib.
Holdinqin yaydığı məlumatda bildirilir ki, bu vəsait hərbi əməliyyatlardan zərər çəkmiş şəxslərin, eləcə də şəhid ailələrinin sosial müdafiəsinin daha da möhkəmləndirməsinə əlavə dəstək verəcək.

"NEQSOL Holding" səkkiz ölkədə enerji, telekommunikasiya, yüksək texnologiyalar və tikinti sahələrində fəaliyyət göstərən beynəlxalq şirkətlər qrupudur.