Avropada birjada hərracların açılışında qazın qiyməti 27,6% artaraq 1000 kubmetr üçün yenidən 3200 dollardan yuxarı qalxıb.
Sahibkartv.az London Fond Birjasının məlumatına istinadən xəbər verir ki, aprel fyuçerslərinin qiyməti 1000 kubmetr üçün 3277,5 dollara yüksəlib (MVt üçün 290 avro).
Bazar ertəsi Avropada qazın qiyməti ilk dəfə olaraq 79% artaraq 1000 kubmetr üçün təxminən 3900 dollara çatımış, sonra geriləmişdi.
Ümumilikdə, qazın birja kotirovkalarının artması ABŞ, Avropa İttifaqı, Böyük Britaniya, eləcə də bir sıra digər dövlətlərin Rusiyanın bir sıra hüquqi şəxslərinə qarşı sanksiyalar tətbiq etdiyini elan etməsi fonunda müşahidə olunur.