Azərbaycanda fəaliyyət göstərən 26 bank ötən ili 609 milyon manat xalis mənfəətlə başa vurub ki, bu da onların bu il yanvarın 1-nə malik olduqları 38  milyard 462,2 milyon manat məbləğində aktivlərin 1,6%-i qədərdir
Ayrı-banklarda isə sözügedən nisbət fərqlidir. Belə ki, 2021-ci ildən mənfəətlə çıxmış 23 bank arasında aktivlərindən ən yaxşı istifadə edəni "Bank of Baku" ASC olub. Bu bankın əldə etdiyi mənfəət aktivlərinin 4,6%-ni təşkil edib. Baxmayaraq ki, "Bank of Baku" aktivlərinin məbləğinə görə ölkədə 14-cüdür.
Fəaliyyət effektivliyinə görə, 2-ci yeri isə “AFB Bank” ASC tutub. Bu bank ötən il aktivlərinin 3,4%-i qədər mənfəət əldə edib. Bu arada, "AFB Bank" aktivlərinin məbləğinə görə, 26 bank arasında 21-ci yerdə qərarlaşıb.
3-cü yerə isə “Kapital Bank" ASC sahib çıxıb. Bu bankın illik mənfəəti aktivlərinin 2,7%-i qədər olub. Halbuki, "Kapital Bank" aktivlərinin məbləğinə görə, banklar arasında 2-cidir.
Mənfəətlə işləyən qalan 20 bankdan isə 2-də sözügedən göstərici 2,2%, 7 bankda 1-2% arasında, 11 bankda isə 0-1% arasında dəyişir.