Artan enerji qiymətləri və Ukrayna-Rusiya müharibəsinin tədarük ilə bağlı yaratdığı narahatlıqlar bir çox əmtəələrin rekord qiymətə qalxmasına səbəb olub.
Sahibkartv.az xəbər verir ki, mis qiymətləri yeni rekord səviyyəyə çataraq 10 min 835 dollar təşkil dib. Rusiya mühüm mis istehsalçısı kimi seçilir. Ölkənin mis istehsalı dünya istehsalının təxminən 3,3 faizini təşkil edir.
Alüminium da rekord qıran əmtəələr sırasındadır. Alüminiumun qiyməti 4 min dollara çatıb. Alüminiumla yanaşı, palladiumda da rekord qeydə alınıb.
Nikel qiymətləri isə 16% artaraq 33 min dolları keçib. Beləliklə, nikel qiymətləri 2008-ci ildən bəri ən yüksək səviyyəyə yüksəlib. 
Goldman Sachs analitikləri yaxın 12 ayda mis qiymətlərinin rekord həddə - 12 min dollara yüksələcəyini proqnozlaşdırıb.
Qeyd edək ki, bu gecə Brent neftinin qiyməti 140 dollara yaxınlaşıb.