Londonda yerləşən ICE Futures birjasının məlumatına görə, Avropada qaz fyuçerslərinin qiyməti çərşənbə günü 20%-dən çox artıb və dekabrın 23-dən bəri ilk dəfə olaraq min kubmetr üçün 1700 dolları ötüb.
Açılışda aprel fyuçerslərinin qiyməti 1500 dollara yaxın idi, sonra kotirovka bir qədər aşağı düşüb, bundan sonra yüksəlməyə başlayıb. Təbii qazın qiyməti 1710 dollara çatıb ki, bu da bir gün əvvəlki qiymətindən (1396.5 dollar) 22.5% yüksəkdir. Hazırda qiymət 1665-1695 dollar aralığında dəyişir.
Avropada qaz qiymətləri son günlər daha ürətlə artır. Bunun səbəbi Rusiyanın Ukraynaya hücum etməsidir.