1 mart 2022-ci il tarixində Bakı Fond Birjasının (BFB) Listinq Komitəsinin qərarı ilə "FİNCA Azərbaycan" QBKT MMC -nin ümumi dəyəri 3 milyon manat olan istiqrazları standart bazar seqmentində listinqə daxil edilib.
Birjanın yaydığı məlumata görə, faizli təmin edilməmiş sənədsiz adlı istiqrazların sayı 3000 ədəd, hər birinin nominal dəyəri 1000 ədəd, illik faiz dərəcəsi12.5 %, faizlərinin ödəniş müddəti 3 aydan bir, tədavül müddəti 2 ildir.
Qeyd olunan istiqrazların yerləşdirilməsi Bakı Fond Birjasında birqiymətli hərrac üsulu ilə həyata keçiriləcəkdir.
Yerləşdirmənin başlanmasına ən azı 2 iş günü qalmış hərracın baş tutacağı tarix BFB-nin internet səhifəsində investorlara açıqlanacaqdır. 
Yerləşdirmə üzrə anderrayter “AzFinance İnvestisiya Şirkəti” QSC-dir.
Xatırladaq ki, 27 dekabr 2021-ci il tarixində Bakı Fond Birjasında "FİNCA Azerbaijan" QBKT MMC-nin tədavül müddəti 2 təqvim ili olan 3 milyon həcmində, faizli, təmin edilməmiş sənədsiz, adlı istiqrazlarının yerləşdirilib.