Beynəlxalq Enerji Agentliyinin üzvü olan ölkələr qiymətləri aşağı salmaq üçün üçün milli ehtiyatlardan 60 milyon barel neft satacaqlar. 60 milyon barel neftin yarısı ABŞ-ın payına düşəcək.
Beynəlxalq Enerji Agentliyinin (BEA) üzvü olan ölkələr qiymətləri aşağı salmaq üçün milli ehtiyatlardan 60 milyon barel neft satmağa razılaşıblar. 
Sahibkartv.az xəbər verir ki, bunu jurnalitlərə Yaponiyanın iqtisadiyyat, ticarət və sənaye naziri Koiçi Haqiuda bildirib.   
“Bu, beynəlxalq ictimaiyyətin bu çətin vəziyyətdən çıxmaq üçün birgə işləmək istəyini nümayiş etdirən son dərəcə mühüm qərardır”, - Kyodo onun sözlərindən sitat gətirib.
Haqiuda bu həcmin yarısının ABŞ tərəfindən təmin ediləcəyini, qalan 30 milyon barelin isə digər ölkələr arasında bölüşdürüləcəyini vurğulayıb.
Londonun ICE birjasında Brent markalı neftin may fyuçerslərinin qiyməti 2014-cü ilin avqustundan bəri ilk dəfə bir barel üçün 106 dolları ötüb.