Rubl Manat qarşısında ötən həftənin sonu ilə müqayisədə 22 faizə yaxın ucuzlaşdı.

Azərbaycan Mərkəzi Bankının Fevralın 28-nə olan rəsmi məzənnələrinə görə, 1 Rusiya rublu 0.0157 manata bərabərdir (1000 rubl = 15.7 manat).
Sahibkartv.az xəbər verir ki, ötən həftənin son iş günü, 25 Fevralda Rubl 0.0200 manata bərabər idi (1000 rubl = 20 manat). Belələliklə, ötən həftənin sonu ilə müqayisədə Rubl Manat qarşısında 21,5% dəyərdən düşüb (1000 rubl 4,3 manat ucuzlaşıb).
2022-ci ilin yanvar ayının 12-sində 1 rubl 0.0229 manata bərabər idi (1000 rubl = 22.9 manat). Bu səviyyə ilə müqayisədə rubl manat qarşısında 31,4% dəyərdən düşüb (1000 rubl 7,2 manat ucuzlaşıb).
Qeyd edək ki, Rusiya prezidenti Vladimir Putin Ukraynada müharibəyə başladıqdan sonra Rublun ucuzlaşması sürətlənib.