Bu ilin yanvar ayında Azərbaycan 803 milyon 302 min ABŞ dolları dəyərində 1 milyard 613 milyon 200 min kubmetr təbii qaz ixrac edib. 2021-ci ilin müvafiq göstəricisi ilə müqayisədə, ixrac olunan qazın həcmi 44%, dəyəri isə 8 dəfə artıb.
2022-ci ilin Yanvar ayında Azərbaycandan 2 milyard 31 milyon 436 min dollar dəyərində 3 milyon 505 min 552 ton xam neft ixrac edilib.
Dövlət Gömrük Komitəsinə istinadən xəbər verir ki, ötən ilin eyni ayı ilə müqayisədə xam neft ixracından gəlir artıb. Belə ki, 2021-ci ilin Yanvar ayında Azərbaycandan 1 milyard 359 milyon 732 min dollar dəyərində 4 milyon 14 min 270 ton xam neft ixrac edilmişdi. 
Azərbaycandan 2022-ci ilin yanvar ayında 803 milyon 302 min dollar dəyərində 1 milyard 613 milyon 200 kub metr təbii qaz ixrac edilib. Ötən ilin eyni ayında Azərbaycandan 100 milyon 26 min dollar dəyərində 1 milyard 120 milyon 221 min kub metr təbii qaz ixrac edilmişdi. Beləliklə, təbii qaz ixracından gəlirlər 8 dəfə artıb. Təbii qazın ixracda xüsusi çəkisi 6,2%-dən 26.02%-ə yükəlib.
2022-ci ilin yanvar ayında Azərbaycanın 3 milyard 86 milyon 682 min dollarlıq ixracının 92,5%-i neft-qaz sektoruna daxil olan malların hesabına formalaşıb. 2021-ci ilin yanvarında bu xüsusi çəki 91% idi.