"Nvidia"nın "Arm" almaq müqaviləsi uğursuz olduAmerikanın "Nvidia" korporasiyası, tənzimləyici orqanlar tərəfindən əməliyyat təsdiqləmədiyinə görə, Britaniyanın “Arm” şirkətinin alınmasından imtina etmək qərarına gəlib.
Sahibkartv.az xəbər verir ki, bu barədə çərşənbə axşamı anonim mənbələrə istinadən "Financial Times" qəzeti yazıb.
Məlumata görə, satınalmanın, ABŞ, Böyük Britaniya və Avropa İttifaqındakı antiinhisar tənzimləyicilərində yarımkeçiricilər bazarında rəqabətə potensial mənfi təsiri ilə bağlı narahatlıqlar yaratması ilə əlaqədar olaraq 66 milyard dollarlıq potensial müqavilə bazar ertəsi iflasa uğrayıb.
Yaponiyanın “Softbank” holdinqi "Arm"da böyük paya sahibdir. Holdinq "Nvidia" sövdələşməyə alternativ olaraq "Arm"ın səhmlərinin ilkin kütləvi təklifinə (İPO) hazırlaşır.
Şirkətlər potensial sövdələşməni 2020-ci ilin sentyabrında elan etmişdilər.
2021-ci ilin fevral ayında "Google", "Microsoft" və "Qualcomm" "Nvidia" tərəfindən "Arm"ın alınması ilə bağlı ABŞ-ın antiinhisar tənzimləyicisinə şikayətlər ediblər. Bu korporasiyalar satınalmanın çip dizaynı və istehsalında rəqabətə zərər verə biləcəyindən narahatdırlar.
