Pakistanın baş naziri İmran Xan Rusiyaya səfər edə bilər.
Əgər bu baş verərsə İmran Xan son 23 ildə Rusiyaya ikitərəfli səfər edəcək ölkəsinin ilk hökumət başçısı olacaq.
Xanın Rusiyaya səfərinin bu ay baş tutacağı bildirilib.
Səfərin Rusiya prezidenti Vladimir Putinin dəvəti ilə həyata keçiriləcəyi qeyd olunub.
Səfərin gündəliyində ikitərəfli əlaqələr, Əfqanıstandakı vəziyyət, o cümlədən müdafiə sahəsində əməkdaşlıq və “Pakistan axını” qaz kəmərinin təşviqi ilə bağlı danışıqların daxil ediləcəyi gözlənilir.
Qeyd edək ki, Sonuncu dəfə Pakistanın baş naziri Rusiyaya ikitərəfli səfərlə 1999-cu ilin martında səfər edib. O zaman bu vəzifəni Navaz Şərif icra edib.
Mənbə: “RİA Novosti”