2021-ci ildə Azərbaycanın ixracının statistik dəyəri 22 milyard 206 milyon 671 min dollar təşkil edib.

Sahibkartv.az Dövlət Gömrük Komitəsinə  istinadən xəbər verir ki, neft-qaz sektoruna daxil olan mallar üzrə 19 milyard 493 milyon 277 min dollarlıq ixrac, neft-qaz sektoruna daxil olmayan mallar üzrə 2 milyard 713 milyon 394 min dollarlıq ixrac qeydə alınıb. İxracda neft-qaz sektoruna daxil olan malların xüsusi çəkisi 87.78%, neft-qaz sektoruna daxil olmayan malların xüsusi çəkisi isə 12.22% təşkil edib.
Neft-qaz sektoruna daxil olan mallar üzrə ixracın 13 milyard 218  milyon 936 min dollarını xam neft, 5 milyard 534 milyon 398 min dollarını isə təbii qaz ixracı təmin edib.
Neft-qaz sektoruna daxil olmayan mallar üzrə ixracın böyük hissəsini -  630 milyon 368 min dollarını meyvə-tərəvəz, 442 milyon 188 min dollarını plastmassa və onlardan hazırlanan məmulatlar, 245 milyon 433 min dollarını kimya sənayesi məhsulları, 210 milyon 919 min dollarını pambıq lifi, 188 milyon 529 min dollarını alüminium və ondan hazırlanan məmulatlar, 116 milyon 236 min dollarını qara metallar və onlardan hazırlanan məmulatlar ixracı təşkil edib.