Azərbaycan Mərkəzi Bankı uçot dərəcəsini artırdı
28 Yanvar 2022-ci il tarixində Azərbaycan Respublikası Mərkəzi Bankının İdarə Heyətinin qərarı ilə uçot dərəcəsi 7,25%-dən 7,50%-ə qaldırılıb. Faiz dəhlizinin aşağı həddi 6%, yuxarı həddi isə 9% səviyyəsində müəyyən edilib.
Beləliklə, Mərkəzi Bank uçot dərəcəsini 0,25 faiz bəndi artırıb.
Sahibkartv.az xəbər verir ki, faiz dəhlizinin parametrlərini ictimaiyyətə Mərkəzi Bankın sədri Elman Rüstəmov açıqlayıb.
Xatırladaq ki, 17 Dekabr 2021-ci il tarixində Azərbaycan Respublikası Mərkəzi Bankının İdarə Heyətinin qərarı ilə uçot dərəcəsi 7%-dən 7.25%-ə qaldırılmışdı. Faiz dəhlizinin aşağı həddi 6%, yuxarı həddi isə 8.25% səviyyəsində müəyyən edilmişdi.
Faiz dəhlizinin yuxarı həddi 0,75 faiz bəndi artırılıb.