2021-ci il dövlət büdcəsinin kəsiri 3 milyard 116 milyon manat proqnozlaşdırılsa da faktiki kəsir 1 milyard 17 milyon manat təşkil etməklə proqnoza qarşı 2 milyard 99,0 milyon manat və ya 67,4 faiz az olub.
Sahibkartv.az  xəbər verir ki, bu barədə Maliyyə Nazirliyinin yaydığı məlumatda bildirilir.
Büdcə kəsirinin ümum daxili məhsula nisbəti 1,1 faiz (proqnoza nisbətən 2,7 faiz-bənd az) təşkil edib.
Kəsirin maliyyələşdirilməsi imzalanmış layihələr üzrə xaricdən cəlb edilən kreditlər (346,6 milyon manat), daxili və xarici borclanma (557,7 milyon manat) və dövlət əmlakının özəlləşdirməsindən (112,7 milyon manat) daxil olan vəsait hesabına həyata keçirilib.