Hazırda neftin 90 dollar/barel qiyməti son hədd deyil, 100 dollar/bareldən də yuxarı qalxa bilər. Sahibkartv.az xəbər verir ki, bunu Rusiya Dövlət Dumasının energetika komitəsinin rəhbəri Pavel Zavalnı onlayn konfrans zamanı deyib.
“Qəbul edilən qərarlar yüksək qiymətlərə səbəb oldu və hazırda bir barel neftin qiyməti 90 dollardır. Bu son hədd deyil. Düşünürəm ki, biz 100 dollara gedəcəyik”, - deyə o bildirib.
Eyni zamanda, Zavalnının fikrincə, yüksək enerji qiymətləri müsbət amil deyil, çünki yüksək qiymətlər alternativ enerjinin inkişafını stimullaşdırır.
