Türkiyə Statistika Təşkilatı (TÜİK) 2021-ci ilin dekabr ayı inflyasiya məlumatlarını açıqlayıb. 
Marja xəbər veri ki, dekabrda illik inflyasiya 36,08 faiz təşkil edib (2020-ci ilin dekabr ayı ilə müqayisədə qiymətlər 36,08 faiz artıb). Bu, 2002-ci ilin sentyabrından bəri müşahidə olunan ən yüksək inflyasiyadır.

Aylıq inflyasiya isə 13,58 faiz təşkil edib (qiymətlər 2021-ci ilin noyabr ayı ilə müqayisədə dekabr ayında 13,58 fai artıb).
İstehlak qiymətləri indeksinə (inflyasiya göstəricisi) daxil olan 415 məhsuldan 364-də qiymət artımı olub.
İstehsalçı qiymətləri indeksi dekabrda illik 79,89 faiz artarkən, aylıq müqayisədə 19,08 faiz artıb.
İllik baza inflyasiyası isə 31,88 faiz olub.
İqtisadçıların dekabr ayı üçün illik inflyasiya proqnoau 29,59% idi.
Türk Lirəsi 2022-ci ilə ucuzlaşma ilə başlayıb. Bu gün Dolların məzənnəsi 14 lirəyə yaxınlaşıb. Bakı vaxtı ilə saat 11:34-də Dollar/TL məzənnəsi 2,4% artımla 13,62 səviyyəsində olub.