2021-ci ilin noyabr ayında Azərbaycandan 11 ölkəyə xam neft və neft məhsulları ixrac olunub.
Sahibkartv.az-ın Dövlət Gömrük Komitəsindən əldə etdiyi məlumata əsasən, noyabr ayında Azərbaycanın il ərzində müxtəlif vaxtlarda neft ixrac etdiyi 15 ölkəyə ixrac baş tutmayıb.
Ümumilikdə, ilin 11 ayında ölkəmizdən 25 537 504,3 ton həcmində (12 285 430 870 dollar dəyərində) xam neft və neft məhsulu ixrac edilib. İxrac həcmi ötən ilin eyni dövrü ilə müqayisədə 7,5 faiz azalıb, lakin ixracdan əldə edilən gəlirlər isə 3 348 177 240 dollar və ya 37,5 faiz artıb.
Yanvar-noyabr ayları ərzində xam neft və neft məhsulu ixrac etdiyimiz 26 ölkənin siyahısı:
Təkcə noyabr ayında isə Azərbaycan ən çox İtaliya - 685 240,35 ton, İsrail - 273 488,16 ton, Türkiyə - 187 966,94 ton, Hindistan - 138 650,03 ton, Almaniya - 97 031,74 ton, Çexiya - 90 060,87 ton, Belarus - 89 194,31 ton, Portuqaliya - 83 054,68 ton, Tunis - 62 917,36 ton, Ukrayna - 29 291,51 ton və Rusiyaya - 163,96 ton xam neft və neft məhsul satılıb.
Ötən ay Azərbaycandan il ərzində böyük həcmdə neft alan ölkələrdən Xorvatiya, İspaniya, Böyük Britaniya, Kanada, Tailand, Çin, İndoneziya, Vyetnam, İsveçrə, Yunanıstan, Fransa, İrlandiya, Avstriya və Avstraliya ixrac baş tutmayıb.