vBu ilin yanvar-noyabr dövründə Azərbaycandan xaricə 12 milyard 285 milyon ABŞ dolları dəyərində 25 milyon 537 min 504,3 ton xam neft ixrac edilib.
Sahibkartv.az bu barədə Dövlət Gömrük Komitəsinin hesabatına istinadən xəbər verir.
İxrac olunan xam neftin həcmi ötən ilin eyni dövrü ilə müqayisədə 7,5% azalsa da, dəyəri 37,5% artıb. Gəlirlərin artması neftin bahalaşması ilə əlaqədardır.
Qeyd edək ki, xam neft Azərbaycanın ümumi ixracının 62,1%-ini təşkil edib.
Bu ilin yanvar-noyabr dövründə neft-qaz sektoruna daxil olan mallar üzrə ixracın cəmi məbləği 17 milyard 439 miylon 630 min ABŞ dolları təşkil edib (ötən ilin eyni dövründə 11 milyard 422 miylon 377 min dollar təşkil etmişdi).
QAZ İXRACINDAN GƏLİR 2 DƏFƏDƏN ÇOX ARTIB
Cari ilin 11 ayında Azərbaycandan 4 milyard 479 milyon 131 min dollar dəyərində 18  milyard 256 milyon 457.31 min kubmetr təbii qaz ixrac edilib. Ötən ilin eyni dövründə Azərbaycandan 2 milyard 178 milyon 382 min dollar dəyərində 12 milyard  278 milyon 885  min kub metr təbii qaz ixrac edilmişdi.