FED sədrinin yüksək inflyasiya risklərinin artması səbəbilə istiqraz alışı proqramının vaxtından əvvəl yekunlaşdıra biləcəyini açıqlamasından sonra dollar indeksi sıçrasa da bir ilin maksimumunu qıra bilməyib yenidən düşməyə başlayıb. Bunun əsas səbəbi avroya olan tələbin güclənməsidir. Funt sterlinq də neft qiymətlərinin yüksəlməsi proqnozlarından müsbət təsirlənməkdədir. Beləliklə, EUR/USD 1.15, GBP/USD 1.35$-a yüksələ bilər. 
Enerji birjalarında Brent neftinin 67$-da dəstək görərək, yeni artım dalğasına başladığı müşahidə edilir və bu, 95$-a kimi davam edə bilər. Əlvan metallar bazarlarında qızılın da qiyməti dəstək görməyə başlayıb. Burada 1817$-ın qırılması, növbəti böyük alış əməliyyatları üçün önəmli siqnal olacaqdır. 
Kriptovalyuta birjalarında isə bitkoin 59400$ müqavimətini qırmaqda çətinlik çəkir. Bundan sonra növbəti önəmli müqavimət 63000$-dır. 
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb