Beynəlxalq Enerji Forumu (IEF) elan edib ki, neft istehlak edən ölkələr strateji neft ehtiyatlarını satışa çıxararsa və ya epidemiyaya görə dayanmalar baş verərsə, OPEC+ neft hasilatı planını yenidən nəzərdən keçirə bilər.
Sahibkartv.az xəbər verir ki, baş qərargahı Ər-Riyadda yerləşən Beynəlxalq Enerji Forumunun verdiyi açıqlamaya görə, neft istehlak edən ölkələr neft ehtiyatlarını satmağa başlasalar və ya Covid-19 epidemiyasının pisləşməsi halında OPEC+ neft hasilatını planına dəyişiklik edə bilər.
IEF-in baş katibi Cozef Makmoniql deyib: “Mən proqnozlaşdırıram ki, OPEC+ enerji nazirləri tədricən bazara daha çox neft çıxarmaq üçün hazırkı planlarını davam etdirəcəklər. Bununla belə, ABŞ, Avropa və Asiyada strateji ehtiyatlardan satış başlasa və ya pandemiya səbəbindən yeni bağlanmalar olarsa, OPEC+ bazar şərtlərini yenidən qiymətləndirməli ola bilər".
IEF-in açıqlaması, Yaponiya mediasının hökumətin ABŞ-la artan neft qiymətlərini cilovlamaq üçün birgə səylərinin bir hissəsi olaraq strateji xam neft ehtiyatlarını satmağa hazırlaşdıqlarını bildirməsindən dərhal sonra verilib.
"OPEC+ neft hasilatı planını yenidən nəzərdən keçirə bilər" dedikdə, kartelin neft hasilatının azaldılması planının bərpası sürətini azaltması başa düşülə bilər. Başqa sözlə, bazara neft təklifi azaldıla bilər.