Türk Lirəsi hər gün dəyərdən düşür. Lirə Dollar qarşısında 1,2% də ucuzlaşıb və Dollar/TL məzənnəsi 10.45 lirəyə yaxınlaşıb.
Yüksək inflyasiyaya baxmayaraq Türkiyə Cümhuriyyəti Mərkəzi Bankının (TCMB) faiz endiriminə davam edəcəyinə dair gözləntilər valyuta bazarlarında yüksək gərginliyə səbəb olur. ABŞ-da inflyasiyanın son 31 ilin ən yüksək səviyyəinə çatması ilə ABŞ Mərkəzi Bankının (FED) faizi artırmağa başlayacağı tarixi önə çəkə biləcəyinə dair qayğılar ilə də dollar qlobal miqyasda, o cümlədən Türk Lirəsi qarşısında da güclənir.
Sahibkartv.az xəbər verir ki, Dollar 10,4417 lirəni, Avro isə 11,8679 lirəni görərək rekord yeniləyib. 
Bakı vaxtı ilə saat 07:34-də Dollar/TL məzənnəsi 1,2% artım ilə 10,4378 lirə olub.
TCMB-nin cümə axşamı günü keçirəcəyi iclasında ola biləcək bir faiz endirimini "pas keçməsi" vəziyyətində bazarlardakı yüksək təzyiqin bir miqdar azala biləcəyi ifadə edilir. 
Almaniyanın qabaqcıl bankı Deutsche Bank, TCMB-nin 16% səviyyəsində olan pul siyasəti faizini 1 bənd endirərək 15%-ə salcağını gözləyir.
Türkiyə Mərkəzi Bankı (TCMB) Prezidenti Rəcəb Tayyib Ərdoğanın təzyiqi altında sentyabr və oktyabr aylarında 3 bənd faiz endirimi edərək lirəni bu il dollar qarşısında 25%-dən çox dəyərdən düşməsinə gətirib çıxardıb. 18 Noyabrda da Türkiyə Mərkəzi Bankının faizini 1 bənd azaldaraq 16%-dən 15%-ə salacağı gözlənilir.