Azərbaycanda 2022-ci ildə sosialyönlü istiqamətlər üçün dövlət büdcəsindən 13 milyard 851 milyon manat vəsait xərclənəcək.
Sahibkartv.az-ın məlumatına görə, bu məsələ “2022-ci il dövlət büdcəsi zərfi haqqında” qanun layihəsində əksini tapıb.
Bu, növbəti ilin büdcə xərclərinin 46,4 faizini təşkil edir və 2021-ci ilin təsdiq olunmuş göstəricisi ilə müqayisədə 13,5 faiz çoxdur.
Növbəti ildə səhiyyə üçün dövlət büdcəsindən 1 milyard 789 milyon manat xərclənəcək ki, bu da növbəti ilin büdcə xərclərinin 6 faizini təşkil edir və 2021-ci ilin təsdiq olunmuş göstəricisi ilə müqayisədə 7,1 faiz çoxdur.
Təhsil üçün isə dövlət büdcəsindən 3 milyard 884 milyon manat vəsait xərclənəcək. Sənədə əsasən, bu, gələnilki büdcə xərclərinin 13 faizi təşkil edir və 2021-ci ilin təsdiq olunmuş göstəricisi ilə müqayisədə 18,5 faiz çoxdur.