İranın, sanksiyaların, o cümlədən "qara qızıl" ixracına qoyulan embarqonun ləğvi ilə bağlı danışıqlara qayıtması xəbəri ilə neft qiymətləri kəskin düşüb.
Sahibkartv.az xəbər verir ki, Bakı vaxtı ilə saat  07.59-da Brent markalı neftin dekabr fyuçersləri 4,4% azalaraq bir barel üçün 82,52 dollara düşüb.
Amerikanın WTI nefti Nyu-Yorkda4,2% ucuzlaşaraq 80,96 dollar/barelə geriləyib.
Tehranın baş sözçüsü Əli Baqiri bildirib ki, yayda çıxılmaz vəziyyətə düşən və İranda prezident seçkilərindən sonra təxirə salınmış Vyanada nüvə sazişi üzrə danışıqlar noyabrda bərpa olunacaq.
ABŞ Dövlət Departamentinin sözçüsü Ned Prays "Biz danışıqlara başlamağa hazırıq" deyib.
Baqiri, danışıqların erkən bərpasını müzakirə etmək üçün iki həftə əvvəl Tehrana səfər edən Avropa Birliyi xarici işlər nazirinin müavini Enrike Mora ilə "çox ciddi və konstruktiv söhbət" etdiyini söyləyib.
Bazarın 2014-cü ildən bəri görünməmiş səviyyələrə qalxan qiymətləri endirmək üçün İran neftinə ehtiyacı var: OPEC+ ölkələri Birləşmiş Ştatların təkidli tələblərinə baxmayaraq, tədarükləri ayda 400 min barel planından yuxarı artırmaq istəmirlər.  
İrana qarşı sanksiyaların ləğvi ilə 2022-ci ildə gündəlik 1,3 milyon İran neftinin bazara qayıdacağı proqnozlaşdırılır.
Qlobal investisiya bankı Goldman Sachs-a görə, İrana qarşı sanksiyaların ləğvi, tarixdə rekorda çevrilən kəsirin bağlanmasına kömək edəcək.