Türkiyə Mərkəzi Bankının dünən reallaşdırdığı 2 bənd faiz endiriminin ardından (faiz 18%-dən 16%-ə endirilib) Türk Lirəsinin dəyərindən düşməsi davam edir.
Sahibkartv.az xəbər verir ki, bu gün Dolar/TL məzənnəsi 1%-ə yaxın da yüksələrək 9,6625-i test edib (yeni rekord). Dünən məzənnə 3%-dən çox yüksəlmişdi.

2 bənd faiz endiriminin ardından xarici banklar 2021-ci ilin sonuna Dollar/TL məzənnəsi proqnozlarını yeniləyirlər.
Banklar il sonu dollar proqnozularını 9,80 və 10,50 TL arasındakı rəqəmlərə dəyişiblər.
Böyük Britaniya bankı HSBC il sonu dollar/TL proqnozunu 8,65-dən 9,80-nə, 2022-ci ilin sonu təxminini isə 8,80-dən 10,70-ə yüksəldib.
Fransıa bankı Societe Generale, 2021-ci il il sonu üçün dollar/TL proqnozunu 9,80-dən 10,30-a dəyişib.
İngiltərə bankı Barclays, 2021-ci ilin sonu üçün proqnozunu 9,70 TL olaraq müəyyən edib.
İtaliya bankı Unicredit isə il sonu dollar/TL proqnozunu 9,30-dan 10,50-yə qaldırıb və 2021-ci ilin sonunda Türkiyə Mərkəzi Bankının faizinin  14% təşkil edəcəyini gözlədiklərini açıqlayıb. Hazırda Türkiyə Mərkəzi Bankının faizi 16%-dir.