İnflyasiya ət emalı zavodlarına çatıb. 
Rusiyada rekord qıran ərzaq inflyasiyasının hələ də sonu görünmür.
Sahibkartv.az xəbər verir ki, Rusiyanın 10-dan çox iri ət emalı zavodu pərakəndə satış şəbəkələrinə öz məhsullarının, o cümlədən kolbasa, sosika və yarımfabrikatların qiymətlərinin kəskin artacağı barədə xəbərdarlıq edib.
Məlumata görə, oktyabrın sonu - noyabrın əvvəlində ət məhsulları üzrə bütün əsas istehsalçılar, o cümlədən "Miratorq", "Ostankino", "Dımov", "Klinskiy" («Мираторг», «Останкино», «Дымов», «Клинский») və s. qiymətləri 7-20% artıra bilər.
Pərakəndə Şirkətlər Birliyi, istehsal xərclərinin və nəqliyyat xərclərinin artdığını əsas gətirərək, pərakəndə satıcıların satış qiymətlərinin artırılacağı barədə məktublar aldığını təsdiqləyib.
Məsələn, indi yükdaşıma bir il əvvəllə müqayisədə 24% bahadır. 
Pərakəndə satış şəbəkələri öz hesablarına rəfdəki qiymətləri istehlakçılar üçün mümkün qədər münasib etmək üçün səy göstərirlər. Lakin pərakəndə satıcılar pərakəndə satış qiymətlərini sonsuz məhdudlaşdıra bilməzlər.
"Auchan" şəbəkəsinin mətbuat xidməti, ət emalı zavodlarının 7% və ya daha çox qiymət artımı barədə xəbərdarlıq edildiyini təsdiqləyib.