İlkin məlumatlara görə, 2021-ci ilin əvvəlindən etibarən (9 ayda), Rusiyanın "Gazprom" şirkəti qaz hasilatını keçən ilin eyni dövrü ilə müqayisədə 17,3% (55,7 milyard kubmetr) artıraraq 378,1 milyard kubmetrə çatdırıb. 
Sahibkartv.az xəbər verir ki, 9 ay ərzində MDB xaricindəki ölkələrə qaz ixracı 15,3% (19,3 milyard kubmetr) artaraq 145,8 milyard kubmetrə yüksəlib. 
"“Gazprom" tərəfindən MDB xaricindəki ölkələrə ixrac 145,8 milyard kubmetrə çatdırılıb. Bu, bütün tədarük tarixində 9 ay ərzində ikinci ən böyük göstəricidir (2018-ci ildə 149,2 milyard kubmetr)" , -deyə qaz şirkəti bildirib.
Xüsusilə, ilin əvvəlindən etibarən "Gazprom" Türkiyəyə (138,3%), Almaniyaya (33,2%), İtaliyaya (14,2%), Rumıniyaya (305,6%), Polşaya (11,2%), Serbiyaya (125,2%), Finlandiyaya (17,5%), Bolqarıstana (52,5%), Yunanıstana (10,8%) qaz tədarükünü artırıb. 
"Gazprom", qaz ötürmə sistemindən daxili bazara tədarükü 15,9% (23,9 milyard kubmetr) artırıb.
Daha əvvəl bildirilmişdir ki, 2021-ci ildə "Gazprom" tərəfindən qaz hasilatının həcmi 55 milyard kubmetr artacaq və 510 milyard kubmetri keçəcək. Bu reallaşsa, son 10 ildə istehsal səviyyəsinə görə rekord olacaq. Bu il Avropaya 183 milyard kubmetr qaz ixrac edilməsi planlaşdırılır.  
"Gazprom" 2021-ci ildə Avropada qazın orta ixrac qiyməti ilə bağlı proqnozunu 1000 kubmetr üçün 269,6 dollara qaldırıb.