Bu gün Hesablama Palatasının sədri Vüqar Gülməmmədovun sədrliyi ilə qurumda kollegiya iclası keçirilib.
Palatadan Sahibkartv.az-a verilən məlumata görə, iclasda Milli Məclisin İqtisadi Siyasət, Sənaye və Sahibkarlıq komitəsinin sədri Tahir Mirkişili, Təbii ehtiyatlar, energetika və ekologiya Komitəsinin sədri Sadiq Qurbanov da iştirak edib.
İştirakçılar bu ilin İş Planında nəzərdə tutulmuş “Ekologiya və Təbii Sərvətlər Nazirliyi yanında Meşələrin İnkişafı Xidmətinin meşələrin idarəedilməsi fəaliyyətinin qiymətləndirilməsi üzrə” nəzarət tədbirinin nəticələrinə dair auditor hesabatını müzakirə edərək müvafiq qərar qəbul edib, eləcə də Hesablama Palatasının funksional fəaliyyəti ilə bağlı cari məsələlərə baxıb.