Dollar/Türk Lirəsi (TL) məzənnəsi Türkiyə Cümhuriyyəti Mərkəzi Bankının (TCMB) 23 Sentyabr 2021-ci il tarixində pul siyasəti faizini 1,00 bənd azaltdığı barədə qərarını açıqlandıqdan sonra yüksəlməkdə davam edir. 
Sahibkartv.az xəbər verir ki, bu gün Dollar/Türk Lirəsi (TL) məzənnəsi 8,9464-ü test edərək bütün zamanların ən yüksək səviyyəsini görüb.
Bakı vaxtı ilə saat 21:46-da Dollar/TL məzənnəsi 0,63% artıma 8,9314 lirədən əməliyyat olunub.
Xəbər verdiyimiz kimi, Türkiyə Cümhuriyyəti Mərkəz Bankı pul siyasət faizini 1,00 faiz bəndi endirərək 19%-dən 18%-ə salıb. Bazarın gözləntisi faizin 19%-də sabit saxlanacağı istiqamətində idi.
Türkiyə Mərkəzi Bankının Avqust ayında bazar iştirakçıları ilə apardığı sorğuya görə, 2021 ilin sonu üçün dollar/TL proqnozu 8,94 Türk Lirəsi, 12 ay sonra üçün isə 9,37 Türk lirəsidir.