Dünya bazarlarında neft qiymətləri son günlərdə ardıcıl olaraq azalır.Sahibkartv.az xəbər verir ki, ötən cümə günü 33 sent dəyərdən düşən Brent markalı neftin qiyməti yeni iş həftəsinin ilk saatlarında əlavə 0,6% ucuzlaşaraq, 1 barelə görə 74,86 dollar təşkil edib. Qərbi Texas (WTI) neftinin bir bareli isə 71,42 dollara təklif olunur (0,8%, yaxud 55 sent ucuzlaşma).
Neftin ucuzlaşması ABŞ dollarının digər aparıcı valyutalar qarşısında son üç həftədə dəyər qazanması və ABŞ-da aktiv neft buruqlarının sayının artması fonunda baş verir. Baker Hughes-ın məlumatına görə, hazırda aktiv neft quyularının sayı 9 ədəd artaraq, 512-yə çatıb ki, bu da 2020-ci ilin aprelindən bəri ən yüksək göstəricidir.Bununla belə, ABŞ-da hasilat səviyyəsi azalıb. Cümə günü Meksika körfəzində hasilat 23%, yaxud günə 422 min barel daha az olub.