Azərbaycanda 2021-ci ilin yanvar-iyul aylarında 298,5 milyon manat dəyərində içki məhsulu istehsal edilib.
Sahibkartv.az-ın Dövlət Statistika Komitəsindən əldə etdiyi məlumata əsasən, ötən ilin eyni dövrü ilə müqayisədə içki istehsalı 1,8 faiz artıb.
Bu məhsullardan araq istehsalı ötən ilin eyni dövrü ilə müqayisədə 17 faiz, konyak istehsalı 11,1 faiz, pivə istehsalı 1,9 faiz azalıb, alkoqolsuz içkilərin istehsalı isə 13,3 faiz artıb.
Ölkəmizdə mühüm məhsul növlərindən hesab edilən üzüm şərabı istehsalı isə 2020-ci ilin eyni dövrü ilə müqayisədə 3,3 dəfə artıb. 

2021-ci ilin birinci yarısında ölkədən 122,4 min dekalitr həcmində 1 722 600 dollar dəyərində təbii üzüm şərabları və üzüm suslosu ixrac edilib. İxrac həcmi 10,7 faiz, ixrac dəyəri isə 11,1 faiz artıb. Bu isə Azərbaycan şərabının ixrac dəyərinin də artığını göstərir.