Sahibkartv.az xəbər verir ki, Avstraliyada tikinti sahələrində texnoloji inqilab yaşanır: dronlar və süni intellektlə işləyən robotlar inşaat proseslərinə cəlb olunub. Bu innovativ yanaşma sayəsində divarların çəkilişi və tikinti mərhələləri AI dəstəyi ilə real vaxtda izlənilir, potensial insan xətaları avtomatik olaraq müəyyən edilir və vaxtında düzəldilir.
Tikinti sahəsinə inteqrasiya edilən bu robotlar planla faktiki işi müqayisə edir, səhvləri dərhal aşkar edir və nəticədə layihələrin icra müddəti 30%-ə qədər qısalır. Eyni zamanda, əmək təhlükəsizliyi artır, resurslar daha səmərəli istifadə olunur. Bu, Avstraliyanın tikinti sektorunda rəqəmsal transformasiyanın əyani göstəricisidir.
