4 sentyabr 2023-cü il tarixində Bakı Fond Birjasının (BFB) Listinq Komitəsinin qərarı ilə "Unibank Kommersiya Bankı" ASC-nin ümumi dəyəri 20 000 000manat olan istiqrazları premium bazar seqmentində listinqə daxil edilib.
Birjanın yaydığı məlumata görə, 7 sentyabr 2023-cü il tarixində Bakı Fond Birjasında "Unibank Kommersiya Bankı" ASC-nin ümumi dəyəri 20 milyon manat olan istiqrazlarının yerləşdirilməsi birqiymətli hərrac üsulu ilə həyata keçiriləcəkdir.

Yerləşdirmə üzrə anderrayter “Unicapital İnvestisiya Şirkəti” QSC-dir.
Qeyd edək ki, faizli, təmin edilməmiş sənədsiz adlı istiqrazların sayı 200 000 ədəd, ər birinin nominal dəyəri 100 manat, tədavül müddəti 360 gün, illik faiz dərəcəsi 11.5%, ödəmə periodu hər 90 gündən birdir. 
Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.