24 avqust 2023-cü il tarixində Mərkəzi Bankda növbəti valyuta hərracı keçirilib.
Sahibkartv.az Mərkəzi Bankın məlumatına istinadən xəbər verir ki, hərracda tələb 61,33 milyon ABŞ dolları təşkil etmiş və tam təmin edilib.  

Hərracda manatın ortaçəkili məzənnəsi 1,7000 səviyyəsində formalaşıb.
Qeyd edək ki, 22 avqust 2023-cü il tarixində keçirilmiş valyuta hərracında tələb 59,9 milyon ABŞ dolları təşkil etmişdi.
17 avqust 2023-cü il tarixində keçirilmiş valyuta hərracında isə tələb 41,3 milyon ABŞ dolları təşkil etmişdi.
2023-cü ilin əvvəlindən bu yana keçirilmiş 61 valyuta hərracında banklara cəmi 2 milyard 218,73 milyon dollar satılıb. 
Valyuta hərracında yalnız banklar valyuta ala bilirlər.