Azərbaycan Mərkəzi Bankının (AMB) qərarı ilə, faiz dəhlizinin maliyyə sektorunda digər faizlərə təsirlərini gücləndirmək üçün bu gündən sterilizasiya yönümlü daimi imkan aləti üzrə günlük limit ləğv edilib. Bu ilin aprel ayından bu limit 25 milyon manatdan 35 milyon manata artırılmışdı.
Bu alət əsasən banklararası bazarda əməliyyatları aktivləşdirmək məqsədilə tətbiq edilir. AMB limitin ləğvini son aylar banklararası bazarda fəallığın və bankların likvidlik mövqeyinin əhəmiyyətli dəyişməsi ilə izah edir. Bununla da daimi imkan aləti öz klassik funksiyasını yerinə yetirməyə başlayacaq ki, bu da banklararası pul bazarında faizlərin AMB-nin faiz dəhlizi daxilində formalaşmasına şərait yaratmalıdır.
AMB-nin qərarını "Sahibkartv.az"a şərh edən "Yelo Bank" ASC-nin İdarə Heyətinin sədri Anar Həsənov qeyd edib ki, son zamanlar banklardakı izafi likvidlik bu limitin ləğvi üçün şərait yaradıb: "Banklar günün sonuna limitdən [35 milyon manatdan] artıq likvid vəsaitlərinin olduğu zaman başqa bank vasitəsilə yerləşdirmə aparmağa və yaxud faizə hansısa şəkildə şərik olmağa çalışırdılar. İndi isə bankların öz adından yerləşdirmə [illik 7,5 %-lə] aparmağa imkanı olacaq. Limiti tətbiq edən zaman düşünülürdü ki, limitdən yuxarı bu alətdən istifadə olunmasın, lakin hazırda bazarda likvidlik kifayət qədərdir və ciddi şəkildə kreditləşmə aparılır".
Onun sözlərinə görə, bununla bağlı hər gün banklar kifayət qədər kredit təklifi ilə SMS-lər göndərir: "Son aylar bazarda da çox böyük canlanma müşahidə olunur. Çünki Azərbaycan əhalisinin gəlirləri yüksəlir. AMB-nin, Dövlət Neft Fondunun valyuta ehtiyatları artır, Qarabağda görülən işlər iqtisadiyyata müəyyən təsir lər göstərir. Bu səbəbdən də bankların likvidliyində ciddi artım var və bazarda kifayət qədər güclü rəqabət hiss olunur. Regionlarda isə bankların aktiv fəaliyyətə başladıqlarını görürük".
Bununla yanaşı A. Həsənov düşünür ki, hazırda likvidlik məsələsi problemdir: "Likvidliyin çox olmasına baxmayaraq bankların kreditləri aşağı faizlə verməməsinə təsir göstərən səbəblərdən biri inflyasiyadır [12,2 %]. Bunlar biri-biri ilə bağlı olan məsələlərdir və sırf Azərbaycanla bağlı deyil, dünyada gedən prosesdir. Pul kütləsi artdıqca inflyasiya da artır. Biz də likvidliklə bağlı problem olmayan zaman depozitlər üzrə faizləri aşağı salmağa başladıq. Fikir verdik ki, depozit faizini azaltmağa başladığımız zaman depozit portfeli də azalmağa başladı.
Kreditin mahiyyəti əsasən cəlb edilən pulların mayasından - bu da əsasən depozitdir - risk faktorundan və rəqabətdən ibarətdir. Tələb varsa və tələbi qarşılayan faktlar təxminən eyni vəziyyətdədirsə bu zaman kredit faizi formalaşır. Hesab edirəm ki, Azərbaycanda kredit faizi ciddi şəkildə enməyəcək. Azərbaycanda sahibkarların sayı kredit portfeli ilə bərabər səviyyədə artmır. Məsələn, əvvəl 3-4 min manat kredit götürən eyni müştəri indi 10 min manat kredit götürür. Bu da kredit portfelinin sahibkarın sayından daha sürətlə böyüməsinə gətirib çıxarır".
A.Həsənov hesab edir ki, müştərilərə depozitlərdən əlavə investisiya imkanları da yaratmaq olar və bankların platformaları vasitəsilə onlar pullarını qiymətli kağızlara qoymaq imkanı əldə edə bilərlər.
"Yelo Bank" rəhbərinin sözlərinə görə, kredit faizlərinə müsbət təsir edən amillərdən biri də ölkədəki fondlardır: "Sahibkarlığın İnkişafı Fondu, İpoteka və Kredit Zəmanət Fondu və fərqli fondlar var. Onların cəlbedici şərtləri mövcuddur. Lakin kredit faizinə əsasən depozit faizi təsir edir. Depozit faizinə isə real bazarda olan vəziyyət, insanların rifahı daha çox təsir edir. İnsanlar yığım imkanı azaldıqda banka daha az pul yatıracaqlar. Müşahidə edirəm ki, müştərilər idxal etdikləri malın bahalaşmasından narahatdırlar. Malın qiyməti artdıqdan sonra idxal etməkdənsə onlar banklardan kredit götürüb daha çox məhsul gətirməyi üstün tuturlar. Bu kreditləri də təmin etmək üçün banklar aqressiv yığım etməlidir. Depozitin də daha aqressiv yığıma cəlbedici olması üçün onu yaxşı şərtlə təqdim etmək lazımdır.
Düşünürəm ki, yaxın illərdə depozitə yox, qiymətli kağızlara yatırım etmək istəyi artacaq. Bank müştərinin riskini üzərinə götürüb onun pullarını idarə edir. Depozit artımından asılı olaraq bunu həyata keçirmək mümkündür və burada potensial var".
Son 15 ildə (2007-2022-ci illərdə) Azərbaycanda manatla verilən kreditlər üzrə orta faiz dərəcəsi 2,84 faiz bəndi azalaraq ötən ilin sonuna 14,13 % təşkil edib. Xarici valyutada verilən kreditlərin faiz dərəcəsi isə eyni dövr əzrində 11,41 faiz bəndi azalaraq 4,85 %-ə düşüb.
Hesabat dövründə banklar tərəfindən milli valyutada cəlb edilən depozitlər üzrə orta faiz dərəcəsi 2,76 faiz bəndi aşağı düşərək bu ilin əvvəlinə 8,6 % təşkil edib. Xarici valyutada qəbul olunan əmanətlər üzrə faiz dərəcəsi isə 10,8 faiz bəndi azalaraq 1,41 %-ə enib.
Moskvada Xəzər regionunda əməkdaşlıq məsələləri müzakirə olunub
21:42 / 18-09-2024
Son xəbərlər ABŞ: Livandakı hücumlarla heç bir əlaqəmiz yoxdur
18:28 / 18-09-2024
Son xəbər: Fələstinin ilk qanun layihəsi qəbul edildi
17:59 / 18-09-2024
Audi Brüssel fabriki üçün investorlar axtarır
17:07 / 18-09-2024
ABŞ dövlət katibi Blinken: "ABŞ Livandakı hadisələrdən xəbərsiz idi"
16:37 / 18-09-2024
Elon Musk: "Ateizm boşluq yaratdı"
15:46 / 18-09-2024
Son xəbər: Prezident Ərdoğan Livanın baş naziri ilə görüşüb
14:40 / 18-09-2024
Ada kimi görünən tarixi Pertek qalasının cazibəsi qayıq turları ilə artır
14:00 / 18-09-2024
Ağ Ev: Biz İranı sözləri ilə deyil, əməlləri ilə mühakimə edəcəyik
13:21 / 18-09-2024
Trendyol Türkiyənin Lovemarkı seçilib
12:08 / 18-09-2024
“Culfa” yarımstansiyası üçün yeni güc transformatorları alınıb
11:42 / 18-09-2024
Hizbullah niyə peycerlərdən istifadə edir?
10:02 / 18-09-2024
Parisdə binanın damında yanğın baş verib: 2 nəfər xəsarət alıb
09:02 / 18-09-2024
Stefan Dujarrik: BMT-nin Baş katibi COP29-un çox uğurlu olacağına inanır
23:00 / 17-09-2024
Bakıda Azərbaycan-İraq biznes forumu keçirilib
20:43 / 17-09-2024
Fransanı sarsıdan təcavüz hadisəsində Dominik Pelikot ilk dəfə danışdı!
19:33 / 17-09-2024
Kanadanın Baş naziri Castin Trudeau istefaya təzyiq artacaqmı?
18:15 / 17-09-2024
Amazon işçilərini həftənin beş günü ofisə qayıtmağa çağırır
17:05 / 17-09-2024
Azərbaycan-İraq Biznes Şurasının yaradılması haqqında sənəd imzalanıb
16:20 / 17-09-2024
Bankir: "Azərbaycanda yaxın illərdə depozitə yox, qiymətli kağızlara yatırım etmək istəyi artacaq"
Bölməyə aid digər xəbərlər
Tarix: 15-08-2023, 16:52 Oxunub: 114
Bölməyə aid digər xəbərlər
24-07-2023, 09:11
Bu həftə Azərbaycan Mərkəzi Bankı növbəti faiz qərarını açıqlayacaq
17-07-2023, 10:50
Azərbaycanda pul siyasətinin əməliyyat çərçivəsində dəyişikliklər edilib
10-05-2023, 09:49
Ümummilli Lider Heydər Əliyev - dövlətə və xalqa xidmətin ali meyarını yaratmış tarixi şəxsiyyət
27-03-2023, 13:23
ƏSF rəsmisi: "Bu günədək bağlanmış bankların əmanətçilərinə 1,5 milyard manat kompensasiya ödənilib"
22-03-2023, 18:41
Dünyada böhran başlayıb, pulumu bankdan çıxarmalıyam?
3-02-2023, 17:16
Cənub Qaz Dəhlizi Məşvərət Şurası çərçivəsində nazirlərin 9-cu, Yaşıl Enerji Məşvərət Şurası çərçivəsində nazirlərin 1-ci iclaslarının açılışı olub
25-09-2022, 14:13
Ceyhun Bayramov BMT Baş Assambleyasının 77-ci sessiyasında çıxış edib
31-08-2022, 14:52
Azərbaycanda pul siyasəti dəyişir
16-06-2022, 18:35
Prezident İlham Əliyev IX Qlobal Bakı Forumunda çıxış edib - YENİLƏNİB-3
19-05-2022, 16:04
Daha bir publik hüquqi şəxs yaradıldı - FƏRMAN
1-03-2022, 09:18
Azərbaycanda 7 bankın xüsusi ehtiyatlara ayırmaları artıb
5-02-2022, 12:11
"Yeni bazarlarda Azərbaycan qazına ehtiyac var. Biz hazırıq"
21-10-2021, 16:25
Milyarder Bakıda Bankın yeni baş ofisinin açılışında iştirak etdi
27-04-2021, 14:25
“Ağıllı kənd”in təməli qoyuldu, 200 fərdi ev tikiləcək
29-12-2020, 14:29
Bir qrup hərbçimiz “Şuşanın azad olunmasına görə” medalı ilə təltif edildi - SƏRƏNCAM
24-07-2020, 09:42
İlham Əliyevin yanında su təsərrüfatının vəziyyətinə həsr olunmuş müşavirə keçirildi - YENİLƏNİB + FOTO/VİDEO
21-07-2020, 18:03
İlham Əliyev və Mehriban Əliyeva Bakıda təqdimat mərasimində - YENİLƏNİB + FOTO/VİDEO