Şiddətli quraqlıq Panama kanalının dayazlaşmasına və mayeləşdirilmiş təbii qaz (LNG) tankerlərinin uzun müddət dayanmasına səbəb olub. 
Sahibkartv.az xəbər veri ki, bu barədə Financial Times qəzeti məlumat 
Norton Lilly gəmiçilik agentliyinin məlumatına görə, iyulun 10-dan etibarən Panama Kanalı bölgəsində LNG tankerlərinin gözləmə müddəti 8 gündən 18 günə yüksəlib. Bundan əlavə, Çindən körfəz sahillərinə kanal vasitəsilə ABŞ-a 40 futluq (12 metr) konteynerin ekspress daşınmasının orta dəyəri 36% artaraq 2,4 min dollar təşkil edib.
Sənaye rəhbərlərinin dediyinə görə, konteyner gəmiləri kanala girişi aylar əvvəldən sifariş etdikləri üçün LNG tankerlərinin keçidində fasilələrin yaranma ehtimalı artıb. Onlardan bəzilərinə yüklərin Süveyş kanalı vasitəsilə Asiyadan ABŞ-a yönləndirilməsi təklif edilir, lakin bu, çatdırılma müddətini bir həftə artırır.
Vəziyyətin pisləşməsinə səbəb son yüz ilin ən güclü quraqlıqlarından biri, Panama kanalında gəmilərin keçməsi üçün suyun götürüldüyü şirin su anbarlarında suyun səviyyəsinin azalması olub. Vəziyyət Sakit Okeanın səthini qızdıran və yağıntıların miqdarına təsir edən El Nino fenomeninin təsiri ilə daha da ağırlaşdı. Bu fenomen hər 2-7 ildən bir müşahidə olunur.
Sakit okeandan Atlantik okeanına konteyner daşımalarının 29%-ə qədərinin daşındığı Panama Kanalı administrasiyası qeyd edib ki, təkcə bu il məhdudiyyətlər 200 milyon dolların itirilməsinə səbəb olacaq.