Bu ilin I yarısında İqtisadiyyat Nazirliyi yanında Əmlak Məsələləri Dövlət Xidməti 264 467 daşınmaz əmlak üzərində mülkiyyət hüququnu dövlət qeydiyyatına alıb.
Bu barədə "Sahibkartv.az"ın sorğusuna cavab olaraq Dövlət Xidmətindən bildirilib.
Məlumata görə, bu, ötən ilin eyni dövrü ilə müqayisədə 56,9 % çoxdur.
Qeydiyyatı aparılan əmlaklardan 24 945-i fərdi yaşayış və bağ evi, 45 815-i mənzil, 188 132-si torpaq sahəsi, 1 519-uqeyri-yaşayış binası, 3 645-i qeyri-yaşayış sahəsi, 351-iəmlak kompleksi, 60-ı isə çoxmərtəbəli yaşayış binasıdır. Bunların 47 817-si Bakı şəhərinin, qalanı isə bölgələrin payına düşür.
Hesabat dövründə 218 114 daşınmaz əmlakın texniki inventarlaşdırılması aparılıb və texniki pasportu tərtib edilib. Bu isə 1 il əvvələ nisbətən 66,3 % çoxdur.
İl ərzində qeydiyyata alınan ipoteka müqavilələrinin sayı isə 14,6 % artaraq 39 093 olub.