Bu ilin yanvar-iyul aylarında Dövlət Gömrük Komitəsinin (DGK) xətti ilə büdcə daxilolmaları 3 milyard 606 milyon 579 min manat təşkil edib.
DGK-nın açıqladığı statistikaya görə, bu, ötən ilin eyni dövrü ilə müqayisədə 19,4 % çoxdur.
Son 1 ildə gömrük rüsumları üzrə daxilolmalar 21,5 % artaraq 909 milyon 151 min manat, əlavə dəyər vergisi (ƏDV) üzrə daxilolmalar 18,5 % artaraq 2 milyard 549 milyon 144 min manat, aksizlər üzrə daxilolmalar 42,7 % artaraq 121 milyon 830 min manat, yol vergisi üzrə daxilolmalar isə 24,2 % azalaraq 26 milyon 455 min manat olub.