Bu ilin yanvar-iyun aylarında Dövlət Gömrük Komitəsinin (DGK) xətti ilə büdcə daxilolmaları 3 milyard 75 milyon 366 min manat təşkil edib.
DGK-ya istinadən xəbər verir ki, bu, ötən ilin eyni dövrü ilə müqayisədə 21,1 % çoxdur.
Bu ilin 6 ayında gömrük rüsumları üzrə daxilolmalar 20,4 % artaraq 768 milyon 744 min manat, əlavə dəyər vergisi (ƏDV) üzrə daxilolmalar 21,3 % artaraq 2 milyard 186 milyon 168 min manat, aksizlər üzrə daxilolmalar 39,3 % azalaraq 97 milyon 362 min manat, yol vergisi üzrə daxilolmalar isə 19,5 % azalaraq 23 milyon 92 min manat olub.