Azərbaycanda tikinti sektorunun satıcı və yaxud icraçı funksiyasını yerinə yetirən bütün subyektləri mülki-hüquqi münasibətlərinin rəsmiləşdirilməsi zamanı vahid müqavilə formasından istifadənin genişləndirilməsini təklif edir.
"Sahibkartv.az" xəbər verir ki, bunu Sosial Tədqiqatlar Mərkəzinin (STM) İdarə Heyətinin sədri Zahid Oruc Bakıda keçirilən "Tikinti sektoru subyektləri arasında vahid müqavilə formasının tətbiq zərurəti, tənzimlənməyən münasibətlərin sektorda yaratdığı problemlər və onların həlli yolları" mövzusunda keçirilən konfransda bildirib.
"Vahid müqavilə forması tətbiq edilsə onun notarial qaydada təsdiq edilməsi imkanı mövcud olacaq. Bu isə bir sahənin bir neçə şəxsə satılması kimi illərdir mövcud olan problemi həll edəcək, alıcı qismində çıxış edən şəxslərin aldadılması halları aradan qalxacaq, keyfiyyətli xidmət göstərmək əvəzinə alıcıları aldatmaq məqsədi olan tikinti sektorunun subyektlərinin sıradan çıxmasına səbəb olacaq, etibarlı şirkətlərin fəaliyyətinə müsbət təsir göstərəcək, aldadılma barədə dövlət qurumlarına edilən şikayətlərin sayı kəskin azalacaq, bu tip müqavilələr üzrə vahid məhkəmə təcrübəsi formalaşacaq, işlərə baxılma müddəti qısalacaq, eyni xarakterli işlər üzrə müxtəlif qərarların qəbul edilməsi problemi aradan qalxacaq, mübahisəyə məhkəmədən öncə mediasiya prosesində baxılması imkanı yaranacaq, gələcəkdə həmin sahələrə dair mülkiyyət hüququnu təsdiq edən çıxarışın alınması prosesi sadələşəcək. Vahid müqavilə formasının tətbiq edilməsi təcrübəsə mövcuddur, banklar tərəfindən tətbiq edilir", - deyə o qeyd edib.